समाचार सारांश
Auto Generated by AI
- त्रिभुवन विमानस्थलबाट आठ केजी थाई गाँजासहित दुई भारतीय महिला पक्राउ परेका छन्।
- थाइल्यान्डबाट नेपाल आएका उनीहरूले सुटकेसभित्र लागुऔषध लुकाएर ल्याएका थिए।
- पक्राउ परेका महिलाहरूमाथि थप अनुसन्धान तथा कानुनी कारबाही सुरु गरिएको छ।
काठमाडौँ । त्रिभुवन अन्तर्राष्ट्रिय विमानस्थलबाट आठ किलोग्राम थाई गाँजासहित दुई जना भारतीय महिला पक्राउ परेका छन्।
लागुऔषध नियन्त्रण ब्युरोका अनुसार बिहीबार राति थाइल्यान्डको बैंककबाट थाई एयरवेजको उडानमार्फत नेपाल आएका विदेशी यात्रुको निगरानी गर्ने क्रममा उनीहरूलाई पक्राउ गरिएको हो ।
प्रहरीले उनीहरूले साथमा ल्याएको सुटकेसभित्र लुकाएर राखिएको आठ किलोग्राम थाई गाँजा बरामद गरेको जनाएको छ । पक्राउ पर्नेमा भारतको मणिपुर राज्यकी २० वर्षीया मोना देवी लोङजाम र २३ वर्षीया ओइनाम एली रहेका छन् ।
उनीहरूको साथबाट दुई थान राहदानी र दुई थान मोबाइल फोन पनि बरामद भएको प्रहरीले जनाएको छ । घटनाबारे थप अनुसन्धान तथा कानुनी कारबाही भइरहेको लागुऔषध नियन्त्रण ब्युरोले जनाएको छ।
