- को आध्यात्मिक जागृति र विश्व नवनिर्माण अभियानको क्षेत्रीय तथा मिडिया विभागको राष्ट्रिय शुभारम्भ समारोह सम्पन्न भएको छ।
- कार्यक्रममा विभिन्न वरिष्ठ सञ्चारकर्मी र ब्रह्माकुमारी संस्थाका पदाधिकारीहरूको उपस्थितिमा स्नेह मिलन तथा पत्रकार सम्मेलन आयोजना गरियो।
- वक्ताहरूले आध्यात्मिक चेतना र सकारात्मक सोचको विकासमा सञ्चार क्षेत्रले निर्वाह गर्ने भूमिकाबारे जोड दिएका छन्।
यस वर्ष २०८३ को “आध्यात्मिक जागृतिद्वारा विश्व नवनिर्माण (Spiritual Awakening for World Renewal)” भन्ने क्यानोपी थिम अन्तर्गत क्षेत्रीय शुभारम्भ तथा मिडिया विभाग, नेपाल (Media Wing Nepal) को राष्ट्रिय शुभारम्भ समारोहबारे जानकारी गराउने उद्देश्यले आयोजित “स्नेह मिलन एवं पत्रकार सम्मेलन” सम्पन्न भएको छ।
कार्यक्रममा नेपाल पत्रकार महासंघ लुम्बिनी प्रदेशकी उपाध्यक्ष मिना ढकाल, वरिष्ठ पत्रकार रामप्रसाद आचार्य, नेपाल पत्रकार महासंघ रुपन्देहीका अध्यक्ष दिनेश पाण्डे, वरिष्ठ पत्रकार डा. बालकृष्ण चापागाईं, डा. गंगाधर भाईजी, केन्द्रीय महासचिव तथा युवा विभागका अध्यक्ष राजयोगी ब्र.कु. शैलेष राज बराल, केन्द्रीय सदस्य तथा युवा विभागका राष्ट्रिय संयोजक ब्र.कु. नारायण भाईजी, केन्द्रीय सदस्य तथा मिडिया विभागका राष्ट्रिय संयोजक ब्र.कु. कृष्णबहादुर रानाभाट लगायतको उपस्थिति रहेको थियो।
कार्यक्रम संस्थाकी अध्यक्ष राजयोगिनी ब्रह्माकुमारी परनिता दिदीज्यू को प्रमुख आतिथ्य तथा वरिष्ठ उपाध्यक्ष एवं बुटवल क्षेत्रीय प्रमुख राजयोगिनी ब्र.कु. कमला दिदीज्यू को अध्यक्षतामा सम्पन्न भएको थियो।
कार्यक्रममा वक्ताहरूले आध्यात्मिक चेतनाको विकासमार्फत सकारात्मक सोच, नैतिक मूल्य र विश्वशान्तिको आधार निर्माण गर्न सकिनेमा जोड दिएका थिए। साथै, समाजमा सकारात्मक सन्देश प्रवाह गर्न सञ्चार क्षेत्रको महत्वपूर्ण भूमिका रहने भएकाले मिडिया विभागको राष्ट्रिय शुभारम्भले जनचेतना अभिवृद्धिमा थप योगदान पुर्याउने विश्वास व्यक्त गरिएको थियो।
