सुदूरपश्चिम र कर्णाली प्रदेशमा पश्चिमी वायुको प्रभाव रहेको छ । मौसम पूर्वानुमान महाशाखाका अनुसार आज दिउँसो सुदूरपश्चिम प्रदेशलगायत, देशका पहाडी भागमा मौसम आंशिक बदली रही बाँकी भागमा सफा रहनेछ ।
सुदूरपश्चिम र कर्णाली प्रदेशका पहाडी तथा हिमाली भागका केहि ठाउँमा हल्का वर्षाको सम्भावना रहेको महाशाखाले जनाएको छ । साथै कोशी, बागमती र गण्डकी प्रदेशका पहाडी तथा हिमाली भागका १-२ ठाउँमा पनि हल्का वर्षा र हिमपातको सम्भावना रहेको छ ।
आज राति सुदूरपश्चिम प्रदेशलगायत देशका पहाडी भागमा आंशिक बदली तथा बाँकी भागमा मौसम सफा रहने अनुमान गरिएको छ ।
