काठमाडौँ ७ बैशाख २०८३
भारतीय तथाकथित हिन्दुवादी संगठन ‘आरएसएस’ र सत्तारुढ दल बीजेपी निकट रहेका कथित जगतगुरु रामभद्राचार्यले नेपालका प्रधानमन्त्री बालेन शाहको भारतप्रति रवैया ठिक नरहेको बताएका छन् ।
आइतबार जनकपुरधामको जानकी मन्दिर दर्शन गर्न आएका रामभद्राचार्यले बालेनको भारतप्रतीको दृष्टिकोण ठिक नरहेको र हिन्दूत्वप्रति पनि कुनै प्रेम नरहेको बताए ।
उनले प्रधानमन्त्री बालेनको मन भारत विरोधी नहुनुपर्ने बताउदै हिन्दूत्वप्रति बानेलको झुकाव हुनुपर्ने सुझाव दिए ।
बालेन अहिले युवा रहेको र राजनीतिमा परिपक्व नभएको उनले बताए ।
यसका साथै रामभद्रार्चायले नेपालमा धर्मान्तर हुने गरेको गुनासो गरे ।
उनले विगतमा धर्मान्तर गराउनेहरुको संख्यामा वृद्धि हुनु दुःखद रहेको बताए ।
नेपाल र भारत मिलेर एउटा महाशक्ति बन्नुपर्ने उल्लेख गर्दै नेपाल सरकारले चाहे हिन्दूराष्ट्र पुनः कायम गर्न कुनै समय नलाग्ने कुरा व्यक्त गरे ।
खासगरी चीनसँग नेपाल कुनै किसिमले निर्भर नहुनुपर्ने धारणा राखे ।
रामभद्राचार्य प्रत्येक वर्ष एकपटक जनकपुरधामको जानकी मन्दिर दर्शन गर्न आउने गर्छन ।
