- सुनसरी घटनाको जिम्मेवारी लिँदै सरकारले शान्ति सुरक्षा कायम गर्न नसकेको एमालेको आरोप छ।
- हिजोको जस्तै घटनामा प्रधानमन्त्री र गृहमन्त्रीले राजीनामा दिनुपर्ने हो कि होइन भनी पदमा अर्यालले प्रश्न गरेकी छिन्।
- प्रधानमन्त्रीले संकटको समयमा नेतृत्व लिन नसकेको र सरकारले कुनै पहल नगरेको भन्दै आलोचना गरिएको छ।
पदमा अर्यालको प्रश्न- सुनसरीमा गोली चल्दा प्रधानमन्त्री र गृहमन्त्रीको राजीनामा आउछ की आउदैन ?
काठमाडौँ नेकपा एमालेले सुनसरी घटनाको जिम्मेवारी लिन सरकार तयार छ की छैन भन्ने प्रश्न गरेको छ । प्रतिनिधि सभाको बैठकमा बोल्दै एमालेकी नेतृ पदमा अर्यालले सुनसरी घटना दुखद भएको भन्दै सरकारले शान्ति कायम गराउन भूमिका खेल्न नसकेको आरोप लगाएकी छन् ।
सांसद आर्यालले हिजो काठमाडौँमा गोली चल्दा तत्कालिन प्रधानमन्त्री र गृहमन्त्रीलाई फौजदारी अभियोग लगाउने सरकारले सुनसरी घटनामा प्रधानमन्त्री र गृहमन्त्री दोषी हुन्छन या हुदैनन्, राजीनामा आउछ की आउदैन भन्ने प्रश्न गरेकी छन् ।
उनले प्रधानमन्त्रीले संकटको समयमा अगाडी आएर नेतृत्व लिन नसकेको भन्दै प्रधानमन्त्री पद सिंहदरबारमा सजाउनको लागि नबनाइएको बताइन ।
;उनले विगतमा पनि यस्ता घटना हुदा तत्कालिन सरकारहरुले समाजमा सद्भाव कायम गर्न सफल भएको उल्लेख गर्दै अहिले सरकारले कुनै किसिमको पहल कदमी नलिएको भन्दै आलोचना गरेकी थिइन् । सांसद अर्यालले विपद व्यवस्थापन बारे समेत सरकारको ध्यानाकर्षण गराएकी थिइन् ।
