अर्घाखाँची : अर्घाखाँचीको पाणिनी–८, दुर्गाफाट कुडुलेमा भएको बस दुर्घटना हुँदा दुई जनाको घटनास्थलमै मृत्यु भएको छ भने २२ जना घाइते भएका छन् । पर्वत जिल्लाबाट अर्घाखाँची भ्रमणका लागि आएको ग १ ध ५०४ नम्बरको बस फर्कने क्रममा दुर्घटना भएको हो । दुर्घटनामा उद्धार कार्य चलिरहेको छ ।
स्थानीय र प्रहरीले उद्धार गरिरहेको पाणिनी गाउँपालिकाका पूर्व अध्यक्ष अच्युत गौतमले बताएका छन् । घटनास्थलमा पुगेर उद्धारको कार्य गरिरहेको अर्घाखाँचीका प्रहरी प्रमुख डिएसपी दिवसबहादुर जिसीले बताएका छन् । घाइतेलाई उपचारका लागि पाल्पा जिल्ला र अर्घाखाँची अस्पतालमा पठाउने क्रम चलिरहेको छ । घटनाको विस्तृत विवरण आउन बाकी छ ।
स्रोत अन्नपूर्ण
