पुस ३० गुल्मी,पाल्पा र स्याङ्गजा जिल्लाको संगमस्थल रुरुक्षेत्र रिडीमा माघेसङ्क्रान्तिको अवसरमा लाग्ने मेलाको तयारी अन्तिम चरणमा पुगेको छ ।
कालीगण्डकीको सङ्गम रहेको पवित्र धार्मिक तीर्थस्थल रुरुक्षेत्रधाम रिडीमा माघेसङ्क्रान्तिमा ठूलो मेला लाग्ने गर्दछ ।
ज्योतिषीय गणना अनुसार सूर्य धनु राशीबाट मकर राशीमा प्रवेश गरेको दिनलाई मकर सङ्क्रान्ति (माघे सङ्क्रान्ति) भनिन्छ । माघेसङ्क्रान्तिमा गण्डकी स्नान गर्नाले धार्मिक पुण्य प्राप्ति हुने मान्यता र जनविश्वास रहिआएको छ ।


