बाढीपीडितलाई सुपा देउरालीको ५.५५ लाख सहयोग:

भोटेकोसी बाढीबाट प्रभावित नागरिकको राहतका लागि प्रधानमन्त्री दैवीप्रकोप राहत कोषमा रकम जम्मा गरिने
अर्घाखाँची । धार्मिक आस्था र विश्वासको केन्द्रका रूपमा परिचित अर्घाखाँचीको प्रसिद्ध सुपा देउराली मन्दिर व्यवस्थापन समितिले विपद्मा परेका नागरिकका लागि मानवीय सहयोगको घोषणा गरेको छ।
मन्दिर व्यवस्थापन समितिले बाढीबाट प्रभावित नागरिकको राहत तथा उद्धार कार्यमा सहयोग पुर्‍याउने उद्देश्यले प्रधानमन्त्री दैवीप्रकोप राहत कोषमा ५ लाख ५५ हजार रुपैयाँ सहयोग गर्ने निर्णय गरेको हो।
आईतबार बसेको मन्दिर व्यवस्थापन समितिको बैठकले उक्त रकम सहयोग गर्ने निर्णय गरेको मन्दिर व्यवस्थापन समितिका कोषाध्यक्ष दुमनसिंह थापा (थम्मन) ले जानकारी दिए ।
पछिल्लो समय आएको बाढीका कारण भोटेकोसी नदी आसपासका क्षेत्रमा ठूलो जनधनको क्षति भएको तथा धेरै नागरिक प्रभावित बनेको अवस्थालाई मध्यनजर गर्दै समितिले आफ्नो तर्फबाट सक्दो सहयोग गर्ने निर्णय गरेको थापाले बताए ‌
उनले बिभिन्न सन्चार माध्यम लाइ जानकारी गराउँदै भने- “विपद् कसैको घरमा मात्रै आउने विषय होइन, यस्तो अवस्थामा सबैले आ–आफ्नो ठाउँबाट सहयोग गर्नुपर्छ भन्ने भावनाका साथ समितिले यो निर्णय गरेको हो,”
धार्मिक स्थलबाट सामाजिक सेवातर्फको सन्देश
सुपा देउराली मन्दिर अर्घाखाँचीको मात्र नभई देशका विभिन्न जिल्लाबाट श्रद्धालु तथा पर्यटक पुग्ने महत्वपूर्ण धार्मिक तथा पर्यटकीय गन्तव्यका रूपमा परिचित छ। मन्दिरमा आउने भक्तजनबाट प्राप्त हुने आम्दानीलाई धार्मिक तथा सामाजिक कार्यमा समेत प्रयोग गर्ने उद्देश्यअनुसार विपद्का बेला पीडित नागरिकलाई सहयोग गर्ने निर्णय गरिएको समितिले जनाएको छ।
मन्दिर व्यवस्थापन समितिको यो निर्णयलाई धार्मिक संस्थाले आफ्नो सामाजिक उत्तरदायित्व निर्वाह गरेको उदाहरणका रूपमा समेत हेरिएको छ। विपद्को समयमा राहत र पुनःस्थापनाका लागि राज्यका निकायसँगै विभिन्न संघसंस्था, समुदाय र व्यक्तिको सहयोग आवश्यक पर्ने भएकाले समितिको सहयोगले पीडित परिवारलाई राहत पुग्ने अपेक्षा गरिएको छ।
भोटेकोसी प्रभावितका लागि राहतको आशा
भोटेकोसी नदीमा आएको बाढीका कारण प्रभावित बनेका नागरिक अहिले राहत र पुनःस्थापनाको पर्खाइमा रहेका छन्। कतिपय परिवारले घर, व्यवसाय तथा दैनिक जीवनमा प्रयोग हुने सामग्री गुमाएका छन् भने बाढीका कारण सडक, पुल तथा अन्य भौतिक संरचनामा समेत क्षति पुगेको छ।
यस्तो कठिन परिस्थितिमा सुपा देउराली मन्दिर व्यवस्थापन समितिले घोषणा गरेको ५ लाख ५५ हजार रुपैयाँको सहयोगले प्रभावित नागरिकको राहतमा केही भए पनि योगदान पुग्ने विश्वास गरिएको छ।
समितिले गर्ने आर्थिक सहयोग प्रधानमन्त्री दैवीप्रकोप राहत कोषमार्फत प्रभावित क्षेत्रमा पुग्ने भएकाले वास्तविक पीडितसम्म राहत पुर्‍याउन सहयोग पुग्ने अपेक्षा गरिएको छ।
विपद्को समयमा पीडितको दुःखमा साथ दिनु मानवीय दायित्व भएको उल्लेख गर्दै समितिले भविष्यमा पनि आवश्यकताअनुसार सामाजिक तथा मानवीय कार्यमा सहयोग गर्दै जाने जनाएको छ।
सुपा देउराली मन्दिर व्यवस्थापन समितिको यो निर्णयले धार्मिक आस्था र सामाजिक सेवाबीचको सम्बन्धलाई थप मजबुत बनाउँदै विपद्मा परेका नागरिकप्रति एकताको सन्देशसमेत दिएको छ। विगत लामो समयदेखि मन्दिर समितिले देशमा भइ/ आइपरेका विभिन्न आपतविपतमा मन्दिरको कोषबाट आर्थिक रुपमा सहयोग गर्दै आएको छ ।