काठमाडौं, – अर्थमन्त्री रामेश्वर खनालले सामाजिक सञ्जालमार्फत आफ्ना मन्त्रालय मातहतका कर्मचारीले घूस माग्ने वा काममा ढिलाइ गरेबारे सिधै आफूलाई ईमेल गर्न आग्रह गरेपछि ६ घण्टाभित्र १६६ वटा ईमेल प्राप्त भएका छन्। प्राप्त समस्यामध्ये तीनवटा महत्वपूर्ण समस्या तत्काल समाधान भएका छन् भने बाँकीमा पनि आवश्यक कदम चालिएको छ।
समाधान भएका समस्या यसप्रकार छन्:
- कोशी प्रदेशको म्याङलुङ नगरपालिकामा तलब नपाएको कर्मचारीहरूले अब तलब पाउन थालेका छन्।
- तार्केश्वर नगरपालिकाका प्रमुख प्रशासकीय अधिकृतले काम नगरी पेसागत समस्याहरू सिर्जना गरेको पाइएपछि उनलाई त्यहाँबाट सरुवा गरिएको छ।
- कर फिर्ता गर्दा दुई प्रतिशत कमीशन माग्ने कर्मचारी विरुद्ध अख्तियारमा पठाउनुपर्ने कुरा उठेपछि तत्काल उक्त समस्या समाधान गरिएको छ।
अर्थमन्त्री खनालले यस पहलमार्फत कर्मचारी व्यवस्थापनमा पारदर्शिता र जवाफदेहितालाई प्राथमिकता दिइरहेको बताएका छन्। यसले सरकारी सेवामा सुधार र जनताको विश्वास दिने विश्वास व्यक्त गरिएको छ।
