कपिलवस्तु
कपिलवस्तुमा नेपाली कांग्रेस बाणगंगा नगर समितिका निवर्तमान सचिव सूर्य बराल चेक बाउन्स मुद्दामा पक्राउ परेका छन् ।
हिजो अधिवेशनको दिन अध्यक्षको दाबी गर्दै आएका बराल पक्राउ परेका हुन् । जिल्ला अदालत कपिलवस्तुको विभिन्न मितिमा भएको फैसलाका आधारमा बराललाई पक्राउ गरेर अदालतमा बुझाएको इलाका प्रहरी कार्यालय पिपराका प्रहरी निरीक्षक कालिका कार्कीले जानकारी दिइन् ।
उनले अदालतलाई बुझाएपछि बाँकी प्रकृयाका बारेमा जानकारी नभएको बताइन् । जिल्ला प्रहरी कार्यालय कपिलवस्तुले उनलाई पक्राउ गरी कारागार पठाएको जनाएको छ ।
पार्टीको अधिवेशनको मितिमा नगर सभापतिमा उम्मेदारी घोषणा गरिसकेपछि उनलाई पुरानो मुद्दा खोजेर पक्राउ गरिएको भन्दै उनी निकटस्थहरुले असन्तुष्टि जनाएका छन् । अहिले उनी गगन पक्षमै रहेका थिए ।
कपिलस्तु जिल्ला अदालतले उनलाई तीन दिन कैद तथा ७ लाख जरिवानाको सजाय फैसला गरेको थियो ।
