देशका केही ठाउँमा गएरातिदेखि वर्षा र हिमपात शुरू भएको छ । गण्डकी, लुम्बिनी, कर्णाली र सुदूरपश्चिमका केही ठाउँमा वर्षा र हिमपात भएको छ ।
मंगलबार देशभर साधारणतया बदली रहने छ। गण्डकी, लुम्बिनी र कर्णाली प्रदेशका केही स्थानहरूमा तथा बाँकी प्रदेशका पहाडी तथा हिमाली भू~भागका थोरै स्थानहरूमा,मध्यम हिमपात/वर्षा तथा बाँकी तराईका १-२ स्थानमा हल्का वर्षाको सम्भावना रहेको महाशाखाले जनाएको छ।
बागमती ,गण्डकी र कर्णाली प्रदेशका उच्च पहाडी तथा हिमाली भू~भागका १-२ स्थानमा भारी हिमपात/वर्षाको पनि सम्भावना रहेको महाशाखाले जनाएको छ।
मंगलबार राति कोशी, बागमती, गण्डकी, लुम्बिनी र कर्णाली प्रदेशलगायत बाँकी पहाडी भू~भागमा साधारणतया बदली रही तराई भू~भागमा आंशिक बदली रहने छ। गण्डकी प्रदेशका केही स्थानहरूमा, बागमती, लुम्बिनी र कर्णाली प्रदेशका पहाडी तथा हिमाली भू~भागका थोरै स्थानहरूमा तथा कोशी प्रदेश लगायत बाँकी पहाडी तथा हिमाली भू~भागका १-२ स्थानमा मध्यम हिमपात/वर्षाको सम्भावना रहेको छ।
बागमती र गण्डकी प्रदेशका उच्च पहाडी तथा हिमाली भू~भागका १-२ स्थानमा भारी हिमपात/वर्षाको पनि सम्भावना रहेको छ।
