वडा ले लग्यो आफ्ना वडाका जेष्ठ नागरिकहरूलाई तीर्थ यात्रा

माधव पौडेल, वैशाख २०

अर्घाखाँची – पाणिनी गाउँपालिका वडा नं १ पणेना वडा कार्यालयको आयोजनामा वडाभित्रका ६८ देखि ७५ वर्ष उमेरसम्मका जेष्ठ नागरिकहरूलाई पवित्र धार्मिक स्थल बाग्लुङ कालिका, मुस्ताङको मुक्तिनाथ र म्याग्दीको तातोपानी लगिएको छ। वडाको आर्थिक वर्ष २०८१/०८२ को वार्षिक स्वीकृत कार्यक्रम अन्तर्गत यो तिर्थयात्रा को आयोजना गरिएको हो। जुन तिर्थयात्रा मा वडाभित्रका ६८ देखि ७५ बर्ष ऊमेर समुहका ५३ जना जेष्ठ नागरिक साथै

वडाका पुर्ब जनप्रतिनिधि ,कर्मचारी, स्वास्थ्यकर्मि , पत्रकार गरि जम्मा ७० जना व्यक्तिहरूको सहभागितामा रहेको थियो।

आफ्ना घरका सन्तानले गर्ने यो पुण्य कार्य वडा कार्यालयले गरेको भन्दै जेष्ठ नागरिकहरूले वडा अध्यक्षलाई धन्यवाद समेत व्यक्त गरेका छन्।
वडाभित्रका जेष्ठ नागरिकहरूलाई तीर्थ यात्रा धार्मिक ठाउँमा लैजान पाउँदा धेरै हर्षित भएको साथै जेष्ठ नागरिकहरूले आफूलाई दिएको आशीर्वाद नै आफ्नो लागि बहुमूल्य रहने वडा अध्यक्ष कमलप्रसाद पोखरेल ले बताउनुभयो । यो तीर्थयात्रा वैशाख १९, २० र २१ गते गरी तीन दिन चल्नेछ।