नासाकी चर्चित अन्तरिक्ष यात्री सुनिता ८ दिनको लागि अन्तरिक्ष स्टेशनमा जानुभएको थियो, तर अप्रत्याशित परिस्थितिका कारण अहिले उहाँ त्यहाँ १५४ दिनदेखि अड्किरहनुभएको छ। यो लामो अवधीमा फर्कने प्रयासहरू सफल नहुँदा नासामा समेत चिन्ता बढेको छ।
अन्तरिक्षमा अड्किएकी सुनितालाई फिर्ता ल्याउने नयाँ पहलको घोषणा गर्दै, टेक्नोलोजी कम्पनी स्पेसएक्सका संस्थापक एलन मस्कले यो चुनौतीलाई स्वीकार गरेका छन्। मस्कले आफूले सुनितालाई सुरक्षित रुपमा पृथ्वीमा फिर्ता ल्याउने आश्वासन दिएका छन्। उनले आफ्नो विशेष अन्तरिक्ष अभियानका साथ फर्काउने योजना सार्वजनिक गरेका छन्, जसमा उन्नत अन्तरिक्ष यान र सुरक्षित ल्याण्डिङ प्रोटोकलको प्रयोग गरिनेछ।
यस घटनाले अन्तरिक्ष यात्राको जोखिम र कठिनाइलाई पुनः उजागर गरेको छ। नासाले आफ्ना प्रविधिहरूमा सुधार गर्ने प्रतिवद्धता जनाउँदै सुनिताको सकुशल उद्धारका लागि मस्कको पहललाई सकारात्मक रुपमा लिएको जनाएको छ।
